مدينة الحياة

الفصل الأول – المشهدالأول
المنظر: صالة فى منزل احدالأثرياء به عمود صغير فى احد الأركان عليه فازة ورد ومن الناحية الأخرى فى احدألأركان منضدة عليها بعض زجاجات الخمر والمشروبات الأخرى وبعض الكئوس ، وكذلك سلةفاكهة ، وفى الوسط كرسيين يعلوهما صورة فوتوغرافية 0وفى خلفية المشهد موسيقى اجنبيةتسمع
يفتح الستار (يظهر في وسط) ثم يدخل شاب وسيم يرتدي ملابس فاخرة وفى يدة كأس وخلفة اثنين من الشباب ويتوسطواالمسرح وهم يضحكون ثم يدخل اثنين من كبار السن ويقفان فى احد الاركان
عماد/
(يضحك الشباب )
رمزى / ( وهو يضحك ) حلوة 000 حلوة يا عماد
لطفى / (احدالاثنين الكبار) عماد دة عمرة ما حيتغيروحيفضل طول عمرة متغطرس وخصوصاً لما حيجمع الثروة الكبيرة من المشروع اللىهيعملهولهابوه0
فتحى/ (صديق رمزى) لاابداً ما اعتقدش 000 هو قلبه طيب 000 انا متأكد انه هيشارك اصحابه فى ثروته ، وفوقده كله شخصيته جذابة جدا 0
رمزى/ انا فى الحقيقة مش قادرافهم الشاب ده ، ملامحه غير كلامه خالص، تسمع كلامه تفتكر انه اسعد شاب فى الدنيا لكن عنيه بتقول كلام تانى 0
فهمى/ هو فيه حد فى البلد دىسعيد فعلاً 000 لا ده كل اللى بنشوفه مجرد غرورومنظر بس 0
رمزى/ يا راجل متبقاش متشائم كدة 000 بس بس عماد بيهيظهر انه هيقول خطبة ومحضرلها من يوم ما بلغ سن الرشد 0
( فى هذه الاثناء يشير عماد بيده طالباً الهدؤ منالحاضرين )
عماد/ من فضلكم اناعندى كلمة مهمة عايز اقولها بالمناسبة دى 00 يعنى بمناسبة بلوغى سن الرشد (تصفيق منالحاضرين )
عماد/ شكراً شكراً ( بعد ان ينتهوا من التصفيق) ضيوفى الأعزاء فى الواقع000
عصام / هيه 00 كلام كبير قوى 0
عماد/ فى الواقع اصعب لحظة فى حياة الانسان 00 لما يبلغسن الرشد ويشعر انه اصبح 0000 ( يصمت قليلاً وينظر الى اعلى كمن يصغى الى صوت لايسمعه سواه ) ثم يكمل00ويشعرانه أصبح مسئول عن كل 000 ( يشرد مرة اخرى 0 ثم يكمل ) ويشعر انه اصبح انه اصبح مسئول عن كل تصرفاته واملاكه ( يشرد( مرة اخرى 0 يكمل ) يعنى ممكن اشترى العتبة الخضراء وادهنها ازرق 0
( يسمع صوت بوق فيسكت الجميع )
عصام / يوووه000 النذير مرة ثانية؟
تامر/ ما يسيبنا فى حالنا بقىماله ومالنا
مجدى / ده يقدرينكد على بلد بحالها مش حفلة زى دى0
عصام / عندك حق فى يوم من الايام معرفتش انام طول الليل وانا بفكر فىنبواته عن بلدنا (يقلد بصوت عريض متهكماً) كل اللى هيفضل فيها هيموت 0كل اللى هيفضلفيها هيموت 000 يا باى
عماد/ يا جماعة احنا مش مضطرين نصدق كل واحد مجنون وبيخرف 000 يلا يلا خلينا نسمعه ونحرجهبالأسئلة ها ها ها 0
(يدخل الىالمسرح يرتدى جلباب وعلى رأسه شال وفى يده عصا يعلوها صليب 0)
مجدى/ جبنا سيرة القط جالكينط 000 اهو جالك لحد عندك 000 متعنا يا سيدى 0
النذير / "اخرجوا من وسطهم واعتزلوا يقول الرب "0
تامر/ وسط مين اللى عايزنانخرج منه 00 وسط الملعب 0
عصام / وكمان عايزنا نعتزل 0 ده احنا لسه ماكملناش التلاتين0
مجدى/ انا عايز فى ماتش الاعتزال الاعب البرازيل0
النذير/ الوقت منذ الآن مقصر 0
عماد/ ياعم مقصر ايه 00 دهميلا فضل يلعب لحد ما بقى عنده اربعين سنة 0
النذير/ ( ينظر اليهم بحزن وهو يقول) "اخرجوا من وسطهم واعتزلوا يقولالرب "0
تامر/ ده مصر اننانعتزل 00 سلام ياعماد اصلى عندى ماتش مع ايه سى رومة 0 كل سنة وانت طيب
عصام / كانت حفلة هايلة (الجميع يسلم عليه ويتركوه)
(يجلس عماد على احد الكرسيين ثم يرن فى اذنه صوت النذير"اخرجوا منوسطهم واعتزلوا يقول الرب" ثم يقف فى دهشة وتظهر عليه علامات التفكير ثم يحدث نفسه )
عماد/ الصوت 00 الصوت مرةتانية كنت فاكر نفسى مش هأسمعه مرة تانية 000 امبارح قبلته فى الشارع بصلى بنظرةعميقة وقاللى نفس الكلام 000 ونسيته كأنه محصلش 00 وانهارده وانا بقول كلمتى فىالحفلة رن فى ودنى نفس الكلام حتى من غير ما حد تانى يسمعه 0 كأنه قاصدنى انابالذات ، لدرجة انى مكنتش عارف انا كنت بقول ايه 00 كان فى صوته الحاح غريب 0
( فى اثناء تفكيره تدخل عليهفتاه جميلة )
منال/ عماد 00عماد 00 هيه سرحان فى ايه ؟
عماد/ ( متهللاً) منال اهلاً 00 ازيك اتأخرتى ليه عن الحفلة؟
منال/ معلش اصلى كنت فىمشوارمهم مع ماما واتأخرت 00 المهم ايه اخبار الحفلة ؟
عماد/هوه هوه كانت هايلة كل اصحابى انبسطوا منها 00 ولاالأكل يابنتى 00 الديك الرومى كان قد الكرسى ده 0
منال/ هايل والكلمة بتاعتك طبعاً كانت هايلة 0
عماد/( يصمت برهة مرتبكاً ) لا 0 لا ما نجحتش ذى ما كنت عاوز 000 اتلجلجت كتير فى الكلام وكان كلامى مش مؤثر 0
منال/ ليه يا عماد ده انت لماكنت بتقولهالى قبل الحفلة كنت هايل خالص 00 ايه اللى حصلك ؟
عماد / هقولك بعدين 00 يمكن بكرة 0
منال / طيب برحتك 000 لكنقوللى ايه اخبار المشروع اللى ناوى تدخل فيه شريك مع والدك 0
عماد/ تمام 00 ده مشروع كبيرقوى هيخلى الفلوس تجرى فى ايدى ذى المكرونة 00 اقصدى الرز وساعتها هأقدر اكون جديربيكى ونحدد ميعاد الارتباط 0000 بس000
منال / بس ايه 0
عماد / لا 00لا ولاحاجة 0
منال / طيب سلام علشان انا اتأخرت 0
عماد/ سلام وانا كمان عايز انام بعد تعب الحفلة 0
(تخرج منال من ناحية ويخرجعماد من ناحية اخرى)
(يدخل والدعماد وهو يرتدى قميص وبنطلون وكرافتة وعليهم روب- وهو رجل له شارب وتبدو عليهالهيبة والوقار- يدخل مندفعاً)
الأب/ لا ده كلام فارغ 00
( تدخل خلفه الأم وعليها ايضاً يبدو الوقار)
الأم/ مالك بس يا ابو عماد ؟
الآب/ ابنك ده مجنون رسمى 000 النذير قلب دماغه
الأم / ايه بس اللى جرى؟
الأب/ بتسألى ايه اللى جرى ؟ده رافض تماماً انه يشترك معاآ فى المشروع التجارى- وبيقول انه هيسافر لمدينة اسمهامدينة000 الحياة 000 قال مدينة الحياة 0 امال احنا فين فى المقابر 00 ىمااحن فىالحياة 000 وبعدين احنا كلنا عارفين ان النذيثر ده مش نبى ولا حاجة 00 وكمان مفيشمدينة ذى اللى بيقول عليها 00 ده محدش بيصدقه0
الأم / ولا يهمك دول شوية وهم فى دماغة وحيروحوا لحالهم 000 هو كانكلمنى امبارح فى الموضوع ده ، وانا مهتمتش وقولتلهينسى الموضوع ده 00 الولد يا ابوعماد مش هيرجع عن اللى فى دماغة بالعافية لكن بالاقناع ، ده طبعه من زمان 0
الأب/ ايوه هو عنيد من صغرهوبيعمل اللى على كيفه ، لكن فى الموضوع ده هو زودها قوى 00 وخصوصاً بعد التعب الىتعبته لحد ما عملتله المشروع اللى هيكسبه ثروة محدش يحلمبيها0
الأم/ وهو عنده شك فىالمشروع؟
الأب / لا دة مش عندهشك وبس ، ده كمان مش عايز تبقى له اى صلة بيه 00 قال ايه مش عايز يغتنى بقتل نفوسغيره 00 كلام تافه 000 وفوق ده كله عايز يسافر لمدينة الحياة 00وحالاً0
الأم/ ( مبتسمة ) مشهيقدر يعمل كده ، ومش هيسيب منال وهو مرتبط بيها جداً00 ومنال بتحب بلدنا جداً جداًومش ممكن ابداً تروح معاه فى الرحلة الخطيرة دى 00 متخفش واطمئن مش هيقدر يسيبها
الأب/ هتروح معاه 000 الست طولعمرها تمشى ورا الراجل ، وهأفكرك بكلامى 0
الأم / ( بسخرية ) اهه 000 بقى الست هى اللى بتمشى ورا الراجل 0
الأب/ ( يقا طعهاألب فى خجل ) ام عماد 00
الأم/ على العموماطمئن 00 منال بتحب راحتها قوى وبتحب تتمتع بالدنيا ، ومش ممكن تسيبها حتى علشانعماد 000 انا لاحظت فى مرات كثيرة كانت بتفضل نفسها عليه ومش هتضحى براحتها علشانه 000 فلو ما رجعش فى كلامه هيضطر يسافر لوحده فهيلاقى الكلام ده صعب عليه 000 مفتكرشانه هيسافر0
الأب/ كلامك معقولبرضه 000 ريحتينى شوية 000 لما الحق انام شوية قبل النهار ما يطلع0تصبحى علىخير0
الأم/ وانت من اهل الخير 0
الأم /( وهى تنظر لصورة عماد ) مسكين يا ابنى
( يدخل عمادويبادر بالكلام فى هدؤ )
عماد/ماما ( تنظر له الأم ويكمل عماد) قالك بابا على اللى ناوىاعمله
الأم/ ايوه يابنى 00 لكنمش عايزه افكر فيه 000 اذاى تسيب المشروع الكبير اللى هيأمنلك مستقبلك 00 وخصوصاًبعد التعب الكبير اللى عاناه والدك علشانه0
عماد/ (فى فرح) يعنى هو مشروع الدكتور 00 اسمعينى بس00 انا سمعتالصوت ولازم اطيعه 0
الأم / وانا كمان سمعته مرة زمان 000 وكنت خلاص على وشك السفر 000 لكن لو كنت عملت كدة كنتخسرت كل حاجة 0،وكنت هسافر لوحدى ، تمام زيك انت دلوقت لو سافرت 00 لأن منال مشهتسافر معاك وهتضطر تسافر لوحدك 00 فاهم وحدك 0


(يصمت عماد لحظةيفكر)
عماد/لا لا يا ماما انااملى كبير فى منال 000 انا واثق انهالا هتروح معاى ( ثم يقول بثقة ومرح) انت عارفةابنك 00 انا تأثيرى عليها كبير 00 انا بس ابربش 000 لا هتيجى معاى
عماد/(فى رجاء) يا ما انت مشمشتاقة لنور الشمس 00 بلدنادى ضلمة 00 كم واحد على وشه نور الشمس ؟ ولا واحد 000 مشخايفة من عدم سماع الصوت ؟ صوت ملك مدينة الحياة العظيم 0
الأم/ كنت بأخاف يا ابنى وكان نفسى اشوف نور الشمس ،لكن الأشواق انطفت وبطلت افتكرها 00 وغير كدة يا عماد كتير من حكماء المدينة اثبتواانه مفيش مدينة حياة ولا ملك عظيم فيها 00 وقالوا كمامن ان السذج بس همه اللىبيهمهم الكلام الفارغ ده 000 متخليش الناس تقول عليك 000 انك
عماد/ عبيط 00 اه مش كدة
الأم / يا ابنى مفصدش 000 ياابنى متحزنش قلب امك 00 انا طول عمرى فخورة بيك وانت من احسن شبان البلد ولو صمتعلى السفر هتخسر كل حاجة والناس هتقول انك جنون 00 ياابنى فكر فى امك0
عماد/ يا امى انت كدة بتكسرىقلبى، مقدرش انسى الصوت حتى علشانك 00 انا بسمعه على طول ولازم اطيعه 000 انا منيمو ما سمعت عن ملك مدينة الحياة وانا مش قادر انساه هو الوحيد اللى ممكن يسعدنىوانا هااسافر 000 ياريت يامى تسمعى كلامى وتيجى معاى 0
الأم / بتكسر قلبى يا عماد 0 هى دى مكافئتى انا وابوكعلى تعبنا معاك طول السنين 0
عماد/ ( برزانة) الملك الأول وبعد كدة اى شئ تانى 0
الأم/ ( فى تحدى ) اذا فتشتفى قلبك هتلاقى منال هى اللى واخدة المكان الأول 0
عماد/ منال00 انا اتصلت بيها وزمانها جاية دلوقت 0
( تدخل منال عابسة الوجةوتلقلى بالتحية عليهما )
منال/ صباح الخير 0
الأم / اهلا يامنال يا بنتى 000 كويس انك جيتى علشان تعقليه 000 اسيبكم انا علشانتتفاهموا0
عماد / اهلا ازيكيامنال 00 اصلى عايزك فى موضوع مهم 0
منال / صحيح ياعماد الكلام اللى انا سمعته ؟ صحيح رفضت المشروع اللىعملهولك ابوك ؟ انا كدة عرفت معزتك لى بالفعل مش بالكلام 00 لكن انا والدى مش ممكنيقبل لبنته راجل ميقدرش يتحمل مسئولية بيته 0
عماد / ( فى هدؤ) انا شايف انك سمعت بأنى مسافر لمدينة الحياة 0
منال/ ( محولة وجهها عنه) ايوه سمعت تخريف ذى كدة والدتك قالتلى فى التليفون 00 علشان كدة لازم تختار بينىوبين المدينة بتاعتك 000 الكلام اللى بتقوله دة نوع من الجنون ورفضك للمشروع جنون 0
عماد / بالعكس رفضى للمشروعكان لازم يرفعنى فى نظرك ويخليكى تيجى معاى 0
منال/ ( تضحك ضحكة سخرية ) السفر ده ما يناسبنيش 000 اذاىاتحملالتعب اللى هيقابل المسافرين للمدينة الخرافية دى؟ الموضوع يخوفنى موت 0
عماد/ انا شايف ان تمسكك بىقل لدرجة انك مش ممكن توافقى على السفر معاى علشان خاطرى 0
منال/على كل حال انا انا مش ممكن اسافر معاك ، واناشايفة برضة انك اتغيرت بعد ما سمعت النذير 000 كنت زمان بتقولى انك مستعد تروح معاىلأخر الدنيا ودلوقت بتطلب منى اخرج منها معاك 0
عماد/ ( بوهن وضعف) منال00 انت عارفة معزتك عندى وانىمش ممكن استغنى عنك ابداً 00 ابداً0
منال/ اثبت لى الكلام ده وسيبك من الأوهام اللى فى دماغك 00 وفكر فىالمشروع وفوايده هوانت احسن من اللى دخلوا فيه قبلك 0
عماد/بس انا سمعت الصوت 0
منال/ من فضلك بلاش تتكلم بالطريقة دى 0 كلامك بيخوفنى 00 بيخوفنى 0
عماد / انتماسمعتيش الصوت 0
منال/ الصوتالصوت 00 يعنى هو صوت العرب 00 لا سيدى مسمعتش ومش عايزة اسمعه 00 قلتلك انا مقدرشاتحمل متاع السفر 0
عماد/ بسانا سمعت ان ملك مدينة الحياة بيهتم بالمسافرين ليها وبيرعاهم0
منال/ (بخشونة) مفيش حاجةاسمها ملك ولا حاجة اسمها مدينة الحياة كله اوهام 00اوهام 0
عماد/ انا متأكد انى سمعتة
منل/ انت بكلامك ده بتخلينى اكرهك 00 وانا شايفة انه منالأفضل نفترق دلوقتى 000 انت لازم تختار بينى وبين مدينة احلامك 00 اما انا فمشممكن اروح معاك ابداً ابدً0
عماد/( بعطف شديد ورقة ) يعنى 000يعنى انا هأسافر لوحدى 0؟
منال/ لا 000 ابداً يا عمادانت مش لازم تعمل كدة 000 مفيش حاجة فى الدنيا ترغمك على السفر اطلاقاً00 وان كنتفعلاً بتعزنى انسى المدينة وسيرتها علشان خاطرى 00 وانا واثقة انك هتفضل هنا علشانى 0
عماد/ خلاص ان هأستنى ومشهاسافر 000 وانت بس هتبقى بلدى ومدينتى 0
منال / هايل 00 هايل يا عماد 00 اسيبك دلوقتى ونتقابل بكرة 0
( تخرج منال من ناحية ويخرجعماد من الناحية الأخرى )
(تطفئانوار السرح ثم تضاء بعد فترة 0 يدخل عماد الى المسرح وهو يحدث نفسه )
عماد / لا خلاص00 خلاص انالازم اسافر لمدينة الحياة 00 انا لى اكثر من اربع اسابيع بأحاول اشيل الفكرة مندماغى ومش قادر 0
الخادم/ ياعماد بيه فى واحد شكله غريب عايز يقابلك 0
عماد/ هو فين خليه يتفضل 0
( يدخل النذير فى هدؤ)
عماد/ انت فين انا دورت عليك فى البلد كتير ومعرفتش اوصلك 000 اناعايزك 00 عايزك قوى 0
النذير / انا لما حسيت انك عايزنى جيت على طول 0
عماد / انا خلاص قررت السفر لمدينة الحياة 0 كل اللى فات كان عمرضايع محدش مشجعنى حتى منال استئزت بى وقالت لى محدش هيصدقك الا لما تسافر فعلاًوساعتها نفترق للابد 00 لكن انا مش هممنى حاجة هأسافر مهما كان الثمن 0
النذير / وعايز ايه دلوقت 0
عماد/انا عارف ان البدايةلازم تكون من الباب الشرقى0 لكن ازاى ينفتح الباب وفى نفس الوقت انا منزعج 0
النذير/ وايه اللى مخليكمنزعج يا ابنى ؟
عماد/ علشانانا اهملت الصوت كتير وفضلت فى الجهل 00 فهل عندك حاجة تعزينى؟
النذير/ هتلاقى الحل محفورعلى الباب ومكتوب عليه " تعالوا الى يا جميع المتعبين والثقيلى الأحمال وان اريحكم " دى رسالة الملك العظيم 0
عماد/ ودى لى ؟
النذير/ ايوة ليك ولكل المحتاجين الى مخلص0
عماد/ انا مخ\حتاج جداً للمخلص ده فاسمح لى ابدأ السفرلمدينة الحياة واروح للملك 0
النذير/ مش ممكن تعدى الباب بدون سمة الملك 0
عماد/ سمة الملك ؟
النذير/ ايوة سمة الملك وهى صليب من الدم تمله دايماً على جبينك 000هو ده المفتاح اللى حيفتحلك الباب وكمان حارس يرفقك طول السفر 0
عماد/ يعنى لازم من العلامةدى لكل واحد مسافرلمدينة الحياة 0
النذير/ من غيرها مش ممكن ينفتح الباب 0
عماد/ ارجوك ادينى المتاح 00 اقصد السمة علشان ابتدىالسفر 0
النذير/ لا محدش يقدريديك المفتاح ده لازم يكون من الملك نفسه 0
عماد/ يعنى لازم انتظر ؟
النذير/ لا متنظرش ولا حاجة انت بس تطيع الرسالة " تعالوا الى " وتتحرك ناحية الباب الشرقى وعند وصولك الباب هينفتح لوحده والملك هيرسم سمته علىجبينك 00 يللا يللا ياعماد متتأخرش تانى 0
عماد/(بحماس)ايوة انا لازم امشى دلوقت حلاً مش لازم اتوانى ولو للحظةواحدة يللا بينا لمدينة الحياة
ستـــــــــــــــــار



الفصل الثانى
المشهد الأول
المنظر / طريق
الخلفية / جبال وبعض النباتات والأشجار والزروع 00على الأرض سيف وجرابه
الملابس/ عادية 0 جينز او اىشئ اخر

( يدخل عماد ويتلفت حوله فى عجب )
عماد/ ايه المكان الواسع ده 000 (ينظر الى الأمام ) ايه النور اللى باين من بعيد 000 ده اكيد نور مدينة الحياة 000 (ينظر للخلف) ياهايه المكان الضلمة اللى كنت عايش فيه 00( يعود وينظر للأمام) انا حاسس انى طايرومشوار الألف ميل يبدأ بخطوة 0
( يدخل النذير )
النذير/ علشان توصل لازم يكون معاك الدليل يهديك فىالطريق ويبقى معاك طول سفرك 000 فى سفرك هتلاقى اعاء كتير وهيحاولوا بكل قوتهميخدوه منك 000 خلى بالك وانتبه اوعى يضيع منك ولا تفرط فيه مهما كانت الظروف 0 لوتنازلت عنه هتهلك وهتوه ومش هتعرف الطريق للمدينة (يعطيه الكتاب المقدس)0 خد الكتابده كنز سمين 0
عماد/ (يأخذ الدليل بشغف ويقلب بعضصفحاتة ) ايه ده انا مش فاهم حاجة 0 ده بيتكلم عن اعداء 0 وسهام العدو 0 انا مششايف اعداء ولا حاجة 00 يكنش نظرى ضعيف ها ها ها
النذير/الجزء الأول من الطريق ممكن يكون سهل 000 لكن انت لازم تلبسسلاح الملك دايماً لأنك تعرفش اللى هيهاجمك فيه العدو لن حربنا احنا مع اجناد الشرالروحية 0
عماد/ سلاح واجيب منين سلاح فى الهو ده؟
النذير/ (بابتسامة ) السلاح عند رجلك 0
(التفت عماد فرأى السلاح وهو عبارة عن سيف وجرابهفتقلده ويمسك السيف فرحاً)
النذير/ خلى بالك اوعىحد ياخد منك سلاحك لأن العدو هيهاجمك فى اى فرصة 0
عماد/ عيب هو نا عيل 000 (مشيراً بالسيف )ولا عنتر بن شداد 00 مفيشحصان 0 مش مهم 0 لكن مقلتليش هو العدو شكله ايه 0 مالوش اسم ؟
النذير/ العدو اسمه ابليس وله جيوش فى خدمته 00 وانت دلوقت صغير مشهيحاربك ابليس بنفسه 00 لكن يا ويلك لو كان سيفك مصدى او كنت مجرد من السلاح 0
عماد/ وهى الطريق بتزيد صعوبة كل ما نقرب منالمدينة 0
النذير/كل واحد له طريقه اللى يمشى فيهلكن النضال بيزيد كل ما زاد الجندى فى بسالته وشجاعته وجايز تعبر النهر للمدينةوالعدو هيعمل كل حهده علشان يمنعك0
عماد/ (بفخر) عدو مين 0 انا هكو ن جندى شجاع مفيش ذيه 00 ومش هدى ضهرى للعدو 0 لا ده انا هاخدهعلى قفاه 0
النذير/ انتبه يا ابنى انا شايف عدومستخبى قريب منك واسمه المتفاخر0
عماد/عدو مين ياعمانا مش شايف حاجة 0
( يخرج من بين الكواليس كائنصغير " المتفاخر "وبسرعة يضرب عماد على كتفه فيسقط على وجهه وينطلق امامه )
عماد/ اه 000 (ينظر امامه فيجد المخلوقالصغيرفيتعجب) بقى ده يضربنى انا 0
( يقفز المتفاخريميناً ويساراً ثم يختفى)
النذير/ ده كان المتفاخر 00 والدرس ده كان لتعليمك 0 ( يترك المسرح )
عماد/ ابتديت اشعر انالطريق مش سهل وانى لازم انتبه واخد بالى (يسير الى الامام قليلاًثم يصطدم بحجر فيصرخ )
عماد/ ياه انا تعبت 0 الطريقفعلاً مش سهله 0 صخور وحجارة 00 ده غير اصحابى اللى وحشونى 0
( يدخل الى المسرح من التاحية الأخرى ثلاثة رجال بجلاليب رمادية " صغيرى الحجم ان امكن " ثم يجلسون يتحدثون سوياً يراهم عماد ويشتاق للجلوس معهم )
عماد/ ( محدثاً نفسه ) مين دول 0 ناس 00 اه فعلاًفعلاً ناس 00 الناس طلعت يا جدعان 00 بقالى زمان مشفتش ناس 0 لما اروح اقعد معاهمشوية 0 اهو منها ارتاح ومنها اتسلى ( يذهب اليهم )0
عماد/ ازيكم يا جماعة 0
احدهم/ اهلاًاهلاً الف مرحب بيك اتفضل ( يجلس معهم )
الثانى / انت بابن عليك تعبان انت جاى من سفر بعيد؟
عماد / ايوه ده رجلى ورمت من المشى 0
الثالث وانت رايح فينبقى ؟
عماد/ انا مسافر لمدينة الحياة 0
الأول / ياه مدينة الحياة ؟ 0 ده انت مش هتوصلابداً 00 وشك يا ابنى باين عليه الكأبة والبؤس 00 انت مش ممكن تكون من خدام الملكالعظيم 0
عماد/ فعلاً انا احياناً بأشعر بالوحدة 0
الثانى / بس كنت فاكر ان كتابك بيعلمك ازاى متكنشوحيداً ابداً 00 انت لو من خدام الملك مكنتش هتشعر بالوحدة 0
الثالث/ امتى ابتديت سفرك ؟
عماد/ منشهرين تقريباً 0
الثالث/ ياه شهرين بس يعنى ضيعتاحلى ايام عمرك فى بلدك وجاى دلوقت تسافر للمدينة وفاكر ان الملك ممكن يقبلك بعد مااحتقرت رسالته كل السنين اللى فاتت 00 ده بعدك مش ممكن 0
عماد/ الا اللا 00 ايه ياجماعة انتوا كلكم على ولا ايه ؟
الأول / ما هى دى الحقيقة 00 انت شكلك كدة ذى غيركاللى نعرفهم 00 اذاى نعرف انك من خاصة الملك ؟
عماد/ النذير قاللى ان الملك بيحبنى
الثانى / النذير ايه عرفه 00 هو مش عارف خباياك وخطاياك 00 فاكر 0فاكر السنين اللى ضيعتها فى البلد والملك بعيد عن فكرك 0
الثالث/ وفاكر كمان لما غيرت رأيك فى السفر بعد ما كنت مصمم عليه0
عماد/ لكن الملك مات علشان الخطاة 0
الثانى / لا00مش علشان اللى زيك يا حبيبى 000 وعلىفكرة بقى لو كنت من خدامه كنت مشيت بسرعة اكبر من كدة 00 ده انت ذى السلحفة شهرينولسة ما مشتش غير المسافة الصغيرة دى ؟
عماد/ لا( طويلة ) انتوا كلامكم غريب 0 انتوا مين ؟
الثالث / اسمع بقى 0 احنا اسمنا عيلة العليل 0 ايوه اسمنا كده(مع نفسه ) ده انت عليتنا يااخى0
الأول/ احنا دورنا اننا نحذر الناس اللى زيكبيخدعوا نفسهم 00
عماد/( محدثا نفسه) انا غلطاناللى قعدت معاهم انا لازم اسيبهم وامشى 0
( يتركهمفى هدؤ متسللاً من وسطهم ويسير الى الأمام فلا يتركوه ويتبعوه )
( تكون الحركة عبارة عن ذهاب وعودة على المسرح فى محاولة للفكاك منهموفى هذه الأثناء يدور الحوار التالى )
الأول/ رايحفين يا حبيبى خليك مستريح معانا 0
عماد/ عماد لا 0لا انا لازم امشى 00 انتوا رايحين مدينة الحياة برضة ؟
الثانى / ( بمراوغة ) اه 00 ومالو رايحين 0
عماد/ (بعدم اقتناع ) يعنى ايه؟
الثالث/ (يمسكه من ملابسه ) يعنى على ايه السرعة دى 0
عماد/( يجذب ملابسة ) لا انا لازم امشى 0
( يلاحقه الثانى ويجذب يده )
الثاني/اسمع بس العجلة من الشيطان0
عماد/ لا
الثالث/ والمتوسكل منسوزوكي ها ها ها خليك خليك معانا
عماد/(يقاومويحاول الافلات وهم يجذبوة حتى يسقط على الارض وكلما حاول القيام والتحرك يجذبوة منقدمية)
(يدخل النذير مشفقاً عليه )
عماد/الحقني 0الحقني 0انا مش قادر اتحرك 0انا كانقصدي ارتاح معاهم شويه وخدعونى
النذير/وفين سيفك ؟نسيت السلاح 0انت مش عارف ان مناقشة العدو تؤدي الي الهلاك؟(يكمل بحماس اسحبه واعلنالحرب0
(يسحب عماد سيفه ويشهره فى وجه الأعداءفيهربون من امامه )
النذير / نصيحتى ليك يا ابنىمتستهونش بالعدو مهما كان صغير0
عماد /( فى تعب ) وهل هلاقيك تانى علشان تساعدنى لو سقطت؟
النذير/ لايا ابنى انا معاى حجات تانية اعملها 00 الملك نفسة معاك وهيساعدك 0
عماد / لكن الملك ما جاش وساعدنى لما سقطت0
النذير/ لأنك نسيت تطلبه 00 وبعدين هو اللى بعتنىعلشان اساعدك من غير ما تطلبه " ملاك الملك حال حول خائفيه وينجيهم " سلام ( يخرجمن المسرح )
عماد/ سلام 0( يقوم ويكمل مسيرته وبعدخطوات قليلة يظهر احد الأعداء فى شكله التقليدى )
العدو/ تعال ارتاح شوية 0
عماد/تانى ( يشهر سيفه فيهرب فى الحال )
عماد/ ايوه كدة 0 ميةمية كله من ده0
( وبعد عدة خطوات اخرى سائح الىالمدينة كبير فى السن بطئ فى خطواته وحريص ينظر تحت قدميه )
عماد/ سلام 00 انت ماشى فى نفس طريقى 0
همان / ايوة انا رايح لمدينة الحياة واسمى همان 0
عماد/وانت ليك مدة كبيرة على الطريق دى؟
همان/ انالىعشر سنين 0

عماد/ ياه 0 عشر سنين 0 انا مليش غير شهور بس ووصلت لحد هنا 0 ده انت بطئ قوى 00 ليه البطئوالحذر ده ؟
همان / علشان ياما سقطت واتأخرت بسببعدم الانتباه والتسرع 00 السبوع اللى فات اتزحلقت رجلى على حجر واتلوت وكانتالنتيجة ان العدو غلبنى فى اول لقاء معاه بعد الوقعة0
عماد / ليه مش بتستعمل سيفك ؟
همان / سيفى مش بيفارقنى ولولاه لهلكت من فترة كبيرة 0
عماد / اما انا انتصرت على العدو وماشى ذى الفراشة 00 انافراشةالوادى 0
همان/ السير ببطئ وثبات افضل من السرعةوالسقوط 0
عماد / لا معطلكش 0 وسع الطريق لفراشةالوادى 0
( يخرج همان ويدخل رجل برداء قرمزى مزينبخطوط ذهبية ويسير بجوار عماد ويناديه)
الرجل/ يافارس يا فارس 0
عماد / (بفخر ) انا0 بتنادى على ؟
الرجل/ ايوة 00هو فى فارس غيرك 00 انا شايفك ماشىكويس قوى 000 ومشفتش سايح لمدينة الحياة وشه منور زيك 00 انت لازم منتصر انتصارعظيم 0
عماد / ايوه 0 ايوه عندك حق انا شايف الطريقاسهل مما كنت اتصور 0
الرجل/ انت هايل ده فى سايحانا شفته وانا جاى ماشى بطئ جداً 0 ومش قادر يسرع زيك 0 بس فيه حاجة ممكن تخليكتمشى اسرع من كدة 00 لو تخلصت من السلاح اللى انت لابسه 0انت سايح قوى مش محتاجله 0
عماد / ليه انت مش معاك سلاح ؟
الرجل/ لا انا راجل مسالم وفى غنى عن السلاح 0
عماد / لا سيبه خليه معاى ( يسيران معاً وينعطف به الرجل الى جانبالطريق )
عماد / ايه ده 00 انت لفيت كدة ليه 00احنا لازم نتمشى فى طريق مستقيمة ناحية مدينة الحياة 0
الرجل/ لا لا 00لايابطل الطريق المستقيمة دى طريق الصحراء 00 وانت مشلازم تمشى فى الصحراء ولا تقابل الأعداء اللى فيه 00 دى طريق السواح العاديين اللىلسه عايزين ياخدو خبرة 0 لكن انت راجل منتصر 0 انا همشيك فى طريق مختصرة 0 تعالىتعالى ومش هتندم 0

( يذهب معه عماد متردداً)
عماد / طيب
( يخرجعليه مجموعة من الرجال ويضربوه ضرباً موجعاً ويجردوه من سلاحه ويطرحوه ارضاً ثميقيدوا رجليه ويلقوه بجانب الطريق )
عماد / ( بألم ) اه 00 اه يا ايدى00 اه يارجلى 0 اه يادماغى 0 اه يا كلى 00 انا ادشدشت 0 السلاح 0السلاح 00 سلاحى فين ؟ اه ضحك على العدو الشرير 0 استغل غرورى وقعد ينفخ فى
لحد0 بس ازاى نسيت نصايح همان السايح اللى كنتفاكرة بطئ0 قال فراشة الوادى قال0
اة دة انا محصلتشسحلفة الوادى(يلتفت حوله ) انا فين 00 فين ( ينظر فيجد لافتة مكتوب عليها هذه ملكرئيس الكبرياء الروحية )
عماد/ ايوة 00 هى الكبرياء 0 هى الكبرياء اللى وقعتنى 00 يا بخنك يا بطئ 0والعمل 0 ايه العمل دلوقتى ؟ 0 ايوهالدليل 00 لما اشوف هيقلى ايه 000( يقرأ) " هذا المسكين صرخ والملك استجابه ومن كلضيقاته خلصه " ايوه انا مسكين (يقرأ) " دعوت من ضيقى الملك فاستجاب لى "( يرفع عينهالى السماء ) يا ملك انا مسكين 000 يا ملك ساعدنى 00 يا ملك ساعدنى 0
( يأتى اليه شخص بشوش ويفك قيودة )
البشوش/ انا باعتني الملك علشان اساعدك لآنك صرختالية0يلا سلاحك اهوة0كمل مشوارك وخلي بالك
(يآخذسلاحة ويبدأ السير ببطأ شديد ويحاول تفادي الأحجار )
عماد / شكراً لك يا ملك0 حجر0ايوة كدة0 ياساتر0 تمام 0اسندنى يا ملك
(يدخل همان من احد الكواليس ليصبح امام عماد بعضالشئ
عماد /(لنفسة)اية دة00 اية دة البطئ000قال بطئقال000اهو سبقنى اهو كدة الثبات والهدؤ( يوجه كلامه لهمان) سامحنى من فضلك انا عرفتانى انا اللى ضيعت الوقت مش انت 000 انا قابلت اقوى الأعداء ولولا ان الملك مدنىبالمعونة كنت فضلت اسير فى كهفه 0
همان / اسمه ايهالعدو ده؟
عماد / سمه الكبرياء الروحية 000 ده انااضربت ضرب0
همان / اه انا عارف العدو ده 00 مسكينيا ابنى 0
عماد / لكن انا كنت عايز اسألك 00 احنالازم نعدى النهر المظلم مش ممكن يجى الملك بنفسه ويدخلناالمدينة على طول 0
همان / الملك بس هو اللى يعرف ولو ان الدليل بيقولان فية حاجات كتير لازم تحصل قبل ما يجى
(يسمعواخلفهم صوت بيتكلم وهو مغتاظ وهو(شسلو) قصير القامة –ممتلئ القوام وعلية ثمة الملكوالدليل تحت ذراعة
شسلو/(بحدة وهو يمسح عرقة ) لا لمش هيحصل أي حادث قبل ما يجي الملك 00وانا دايماًبتكلم في الموضوع دة
عماد/ اية ياعم00 انت مدفع رشاش
شسلو/ اعذرني 0 انا كدة دايماً اعترض واتغاظ واجادل 0ولما الاقي ناسمش متفقة معاية في الموضوع مش بستحمل كلامهم اة 00 اعرفكم بنفسي انا اسمي شسلو
عماد/ ش 00اية
شسلو/ شسلو000اسمى كدة ومعناة الطياشة 00وفي الحقيقة انا استاهلالاسم دة-ومع كدةانا مخلص للملك وبحبة (نظر للرجل البطئ )انا على فكرة متابعك منزمان وشايف ان مفيش حاجه تعوقك ممكن تقولى سرفوزك على العدو
البطئ/يضع يدية على اذنية ويقول بأتضاع وأسى مكتوب في الدليل "قوتىفي الضعف تكمل" (ثم يتركهم ويمشى في طريقة
شسلو/هوزعل ولا اية ؟
عن اذنك انا سامع واحد بيصارع العدوولازم اساعدة0زو
عماد/ غيور بس عصبي
(يدخل رجل وخلفة مجموعة من الناس يلتفون حولة وهويمسك بيدة كتاب(يمثل الدليل)يمزق صفحاتة ويلقيها خلفة "ممثلاً الشك
الشكاك/ الكتاب دة مش كلة صح 00فيه اجزاءكتير مجردخرافات ورموز 00واللي بيقولوا علية نبوات لا 000دى مش نبوات لآن اللى كتبوة ناسعاشو بعد ما حصلت الامور بسنين طويلة مش هما الناس اللي عاشواوقت الاحداث واصحابالنبوات
عماد/ (بحزن) معقول0معقول الكلام الليبيقولوا الراجل
شسلو/(بصوت عالى) لا00متصدقهوش00دةكداب والكتاب صادق وصح من اولة الى اخرة
احدالمحيطين/سيبوا الواعظ يكلمنا ويفهمنا00يمكن ينفعنا
شسلو/ دة كداب خلى بالكم منه 00دة ذئب فى شكل حمل
اخر/ اطردوا المتطفل ده احنا عايزيننسمع الواعظ حتى لو كان كلامه غلط 0
( يضربوا شسلو ويللقوا به على الطريق )
شسلو/ الا الاالا 0 اى ( يتألم )
( يخرجوا من المسرح وراء الواعظ الذى يردد" الكتاب ده مش كله صح 0 "اما شسلو فيقوم ويواصل سيره حتى يلحق بهمان )
عماد/ سمعت الكلام اللى كان بيقوله الراجل ده 0 معقول 0 ازاى يقولكلام زى ده ؟
همان/ انا لما عرفت موضوع كلامه سبتهواستمريت فى السير وموقفتش اسمع كلامه لأنى ما ابتديتش فى السفر الا وانا مقتنعتماماً ان الدليل هو رساة الملك لينا 0 ومش ممكن حد يشككنا فيه 0
شسلو/ دلوقت بتقول الكلام ده 00 طب كنت قلته قبل ما اخد العلقهالسخنة دى 00 اه( وهم سائرين رؤا انساناً جالساً يئن بجانب الطريق ورأسه مختبئ بينيديه )
شسلو/ ايه اللى حصلك يا صاحبى ؟
( يستمر الرجل فى الأنين )
همان/ لازم هو اصطدم مع العدو0
عماد/ بصوا00 ده مجروح وهو مش واخد باله 0
المجروح/ اه 00انا جروحى بتألمنى لدرجة انى مش قادر ارفع راسى 00 العدو قهرنى 00 لو سمحتوااتفضلوا كملو مشواركم ، وسيبوا الرجل الطيب ده علشان يساعدنى عماد وشسلوا / ذىماتحب0
( يجلس همان بجوار المجروح)
المجروح/انا يا صاحبى ضيعت دليلى وسيفى 00 والعدوخد من سلاحى حته حته ومبقليش اى امل0
همان / والعدوهاجمك امتى ؟
المجروح/ اه00 اللى حصل وانا ماشى فىطريقى قابلت انسان فى شدة وتعبان من حرب الشك وكانوا الناس اتباع الشك قطعولهالدليل بتاعه ورموه ففضلت ساعات احارب العدو معاه من غير ما اطلب معونة الملك وكنتفاكر انى جندى مش ممكن يتغلب ونسيت ضعفى 0 وفجأة هجم العدو على واخد منى سيفىوالدليل وقبل ما اخد بالى ضربنى ضربة قاسية 0 وادينى دوقت ذى ما انت شايف 0
هيمان/( يرفع نظره الى فوق ويضع يده على سيفه) اناهاحارب العدو معك يا صديقى0
المجروح/( يصرخ) لا مشممكن احسن تبقى اخرتك زى اخرتى 00 متأخرش نفسك علشانى
هيمان/ ماتخفش الملك لما يدينا الحرب00 يدينا معاها النصر 00 وانادايما احارب وانا راكع على ركبى (يركع ويخرج سيفه)
( تبدأ الحرب ويدخل الى المسرح بعض الأعداء للحرب كل فى دوره ويبدأاحدهم بالقاء مطرقة فيباغته بسيفه 00 ثم اخر يالسيف وهكذا0وفى نفس الوقت يتشجعالمجروح ويركع ويأخد سيفه من الأرض ويحارب حتى يهرب الأعداء منكسرين ثم يقفا علىارجلهم فرحين بالنصر)
هيمان / شكراً للملك 0
المجروح/ مبارك الملك 00انت اسمك ايه ؟
هيمان/ اسمى هيما ن ومعناها الايمان
المجروح/ انا اتعلمت منك 0 درس ان العدو دايماًبيحارب ال كبيتين 00 ومن دلوقت هأحارب واناراكع على ركبى 00 مبارك الملك 00مباركالملك (يهتفا وهما فى طريق الخروج من المسرح)
ســــــــــــــــتــار


الفصل الثانى
المشهد الثانى
( يدخل عماد الىالمسرح ويتطلع الى الجمال من حوله )
عماد/ ( باعجاب ) ياه 00 ياه00 ايه الجمال ده 00 ايه الطبيعة الساحرة دى 00 انا عمرى ما شفت جمالولا زرع بالروعة دى0
( يدخل الى المسرح احد الأعداء " الذات " ويقترب مبتسماً عماد
الذات/اهلاً اهلاًبيك فى بلاد الجمال 0
عماد/ اهلاً00 احنا فين ؟
الذات/ ذى ما قلت لك احنا فى بلاد الجمال 000 تعالوارتاح شوية على العشب الجميل ده 0
عماد/ (بتردد)بسانا مش لازم اضيع وقت وبعدين انا000
الذات/(يقاطعه) طيب طيب زى ما تحب كل حاجة من ثمر البلاد00 دى هتنفعك جداً 00 قطمة واحدة وتبقى زىال00 الحصان 00 خد00 كلها وانت ماشى وبكده مش هتتأخر ولا حاجة 0
عماد/ ( يأخذ الثمرة من الذات ويأكل منها) يا سلام جميله 00 ولذيذهوفعلاً منعشة ( يضرب على صدره ويصرخ كطرزان)
الذات/ ايوه يابطل علشان تستمتع بالدنيا 0
عماد/ انا شايفواحد فى شدة وانا رايح اساعده ( يحول السير فيجد نفسه كمن اصابه التعب والاعياء 00يغمض عينيه ويفتحهما ويظهرعليه الاجهاد 00 فيستغل الذات الموقف ويسحبه من يده )
الذات / تعالى 00 تعالى تساعد مين 00 هو يقدر يساعدنفسه 00 انت بقه كفاياك تعب تعالى استريح شوية واستمتع بالجمال 00 شوف السماءالجميلة شوف0
( يذهب معه عماد بلا مقاومة منقاداًله واثناء نظره الى السماء يقيده الذات بسلسلة ذهبية رفيعه فى قدمه 00 ثم يجلس عمادعلى العشب ويتركه الذات متهللاً " الأرض")
(يدخلشسلو ويمر بعماد)
شسلو/( بحدة كعادته) ايه ده 00ايه ده 00 انت قاعد هنا بتستريح وسط الزرع ؟( ينظر فى وجه عماد ) أللا ا لا هىالعلامة فين ؟
عماد/ علامة 00 علامة ايه ؟
شسلو/ علامة الملك ابتدت تتمسح من على وشك 00 قوم 00 قوم امشى من هنا بسرعة 0
عماد/ ده شئ مايخصكشوملكش صالح بى 000 ايه يعنى لما استريح شوية 00 انت مالك
شسلو/ مالى ازاى بس 000 انت امرك يهمنى 00 البلد دى خطر 00 فيها بعبع 00 اسمع كلامى
عماد/ يا سيدى عاجبنى خليك فى حالك 00 اتكل انت بقى مع السلامة 0 ( يتركه على مضض)
وبعد انصراف شسلو بقليل حاول عماد سحب رجله فوجد ان شئ يقاومه
عماد/ ايه ده انا مش قادر احرك رجلى ليه؟ 000 ايهده انا رجلى مربوطة بسلسلة 00 مين اللى ربطنى بالسلسلة دى ؟ اه اه مش معقول 000مفيش حد يساعدنى 000 الظاهر ان شسلو كان عنده حق انا وقعت فريسة الذات ومكنتش فاكرةعدو( يسقط على الأرض من التعب)00 يا ترى الدليل بيقول ايه( يفتح الدليل)
" توجد طريق تظهر للأنسان مستقيمة وعاقبتها طريقالموت "
عماد: يا ملك ارحمنى انا مليش غيرك
( يمر همان وهو يسير الى الأمام لا ينظر يمنة اويسرة ، يراه عماد بعد ان يمر به ويصرخ )
عماد: ساعدنى يا صديقى00 انا فى ضيقة عظيمة
همان: عمادايه اللى عمل فيك كدة؟
عماد: انا فى الأول شكيت فىالدليل واهملته وبعد كده وقعت فريسة سهلة للذات ارجوك ساعدنى
هامان: انت لما وقفت ادتهم الفرصة لضربك بالسهام لكن ما تخفش انت لماصرخت للملك هو بعتنى علشان اساعدك
(ينحنى ويفك لةالسلسلة)
همان/ يللا قوم وامشى معاى ومتبصش حواليك 00 ثق فى ملكك وكمل مشوراك 00 يللا بينا
همان : اسمع يا صديقى 000 انا قربت من نهاية طريقى 00بس انا متكل على ملكى علشان يسندنىويساعدنى فى اللحظات الأخيرة
عماد: يعنى خلاص مشحنتقابل تانى 0 "بتأثر"
همان : هنتقابل قريبا فىمدينة الحياة ونفرح بالملك
"خلفية صوتية عميقة نعماايها العبد الأمين كنت امين فى القليل فأقيمك على الكثير ادخل الى فرح سيدك "
همان : صلى لأجلى
عماد: اذكرنى قدام الملك
" يتعانقان " ترنيمة مناسبة ان امكن
ســـــــتار




الفصل الثالث

المنظر: فى احد جانبى المسرح جسر عبارة عن قطعة خشبية مرفوعة علىقطعتين من الخشب من الجانبين حوله صخور= نفس الخلفية
يدخل عماد الى المسرحوينظر الى الجسر الذى يجب ان ان يسير عليه فيدخل اليه الخوف
عماد :بخوف :ياسلامانا مفروض اعدى على الجسرده ؟ يا حبيبى 00 ده ولا سوبر مان يقدر يعديه 00 انا لومشيت عليه حاجه من الاثنينين ياحأقع 00ياهأقع 000 كمان صخور واشباح مستنية بساقعوهم هيقوموا بالباقى " يمسح عرقه "
عماد: يعنى مكنش ممكن يكون فيه طريق تانيةاسهل من كدة وبلاش الجسر ده 00 انا عارف انه مفيش غير الطريق اللى رسمهولى الملك 0يقى نرجع للدليل
" يفتح كتابه ويقرأ فيه " لا تخف لأنى معك " ارشك الطريق التىتسلكها 0 انصحك عينى عليك " " قوتى فى الضعف تكمل " يظهر عليع علامات الارتياح ويتشجع ويشد على سيفه
عماد: على كلمتك القى الشبكة 00 يبدأ فى التحرك نحو الجسرويقول 00 انا حاسس ذى ما يكون فى حد ماسكنى وساندنى 00 " بحماس " النظر الى الامام
(يمرعلى الجسر بهدؤ وثقة وينادى الملك من لحين لأخر)
عماد/ يا ملك اسندنى ( اثناء مروره ترمى بعض السهام من الجانب وفى نهاية الجسر من الناحية الأخرى يكونهناك مجموعة من السائحين مختلفى الأعمار منهم واحد كبير فى السن فى انتظاره )
عماد/ شكراً ليك يا ملك 00 شكراً ليك يا ملك ( يصافحه باقى السائحين يهنئونهبكلمات الترحاب – ما عدا الرجل العجوز )
احدهم/ هايل ازاى قدرت تمر على الجسرالخطير ده؟
اخر/ ده انجاز رائع 0
اخر احنا عمرنا ما شفنا حد عبر زيك كده 00ده احنا لولا ما جينا من طريق تانى سهل مكناش هنعدى للأبد
اخر/ انت ازاى قدرتتعدى من غير ما تقع ؟
عماد/( بفخر ) هى فى الحقيقة كانت تجربة صعبة لكن بالأرادةكل شئ ممكن 000 اهم حاجة ان الواحد يركز للأمام وميبصش تحت ( ينظر عماد للسائحالعجوز بعدم رضا لأنه لم يمدحه كالأخرين)
عماد/ ايه يا عم انت شايفك ساكت منالصبح ممكن اعرف بقى بتفكر فى ايه ؟بعدين وقفتك جنبى بالشكل ده هتخلى الناس تهرب 0
الرجل / خايف كلامى ميعجبكش 00 لأنه كلام غير كلام الباقين 00 لكن انا يهمنىامرك 00 فلو عايز تعرف بفكر فى ايه هقولك 0
عماد / لا ابداً مش هأزعل 000 انامستعد اسمعك 0
الرجل/ متخليش كلام الآخرين يأخرك عن مشوارك 00 الكلام دهبيستخدمه العدو علشان يضرك 0
عماد/ صحيح (ببرود) انا مش شايف اعداء 0
الرجل/ اسمع كلامى ياابنى اللى بيحاربه العدو بيكون اخر واحد يشوفه0
عماد/ اذا كانكلامك صحيح فده طبيعى لأن العدو دايماً بيحارب اشجع فارس واقواهم 0
الرجل/ متزعلش الملك منك بالكلام ده 00 الملك هو اللى انقذك من الخطر الشديد 000 متنسبشالنصر لشجاعتك او قوتك 0
عماد/ طيب طيب 00 معاك حق 00 انا بس كنت خايف اكونباتنكر للمواهب اللى ادهانى الملك من شجاعة وقوة 0
الرجل/ " من يظن انه قائمفلينظر ان الا يسقط "( ويتركه ويمشى ويرجع عماد للسائحين )
احدهم/ ايه الطفلاللى بيبكى ده ؟ دهمحتاج مساعدة
عماد/ طفل انا اساعد طفل00
احدهم/ انا حروحواساعده (يذهب)
عماد /( يحدث الجماعة ) اسمعوا يا جماعة كل واحد له دور على قده 00 يعنى الطفل له الصغير اللى قده 00 اما اللى زيى له مهام صعبة وكبيرة يقوم بيها 00 ولما انا اساعد طفل 00 امال الصغيرين هيعملوا ايه 00 لازم ندى فرصة عمل للشباب 0
( يعود السائح بعد مساعدة الطفل ويقول لعماد مسروراً)
السائح/ انا متشكرلأنك اديتنى الفرصة لمساعدة الطفل الصغير 00 الولد كان تعبان وبيتألم وانا ميلتومسحت دموعه 00 واثناء مسحى لدموعه جاء ملاك منور جداً من عندالملك واخده لمدينةالحياة 00 والملاك ادانى رسالة ليك 0
عماد/ رسالة من الملك 000 ايه هى الرسالة؟
*السائح / ايوه الرسالة من الملك بتقول " بما انكم فعلتم بأحد اخوتى الأصاغرفبى فعلتم "( يحمر وجه عماد من الخجل )
عماد/ (بأسى) العجوز كان عنده حق000سامحنى يا ملك سامحنى يا ملك 0
(يدخل شسلو الى المسرح وهو يرنم "صوت مسجل فى وقتضعفى00 "فى هذه الأثناء ينظر اليه عماد بدهشة وفرح ويتدرج الاحساس مع الترنيمة حتىالابتهاج )
عماد/ شسلو00 (يتعانقان)ازيك 0
شسلو/ بخير 000 وانت عامل ايه؟
عماد / شكراً للملك 00 ايه الترنيمة الجميلة اللىكنت بترنمها 00 مكنتش عارفانك بترنم حلو كده 0
شسلو/ انا متعلمتش الترنيم غير من وقت قريب 00 قابلت ناسطيبين ومقدرتش اشاركهم فى التسبيح 00 فنبهونى ان فيه ترانيم كتيره هناك هتكون فىمدينة الحياة وانى لازم اتعلم الترانيم دلوقتى اثناء السفر 00 واتعلمت 00 ومن يومهاحسيت ان الطريق اسهل 00 وكمان مكتوب عنه فى الدليل 0
عماد/ يا سلام 00 يعنى دىحاجة مهمة علشان يكتب عنها فى الدليل 0
شسلو/ ايوه مكتوب فى الدليل " لأن فرحالملك هو قوتكم " مكتوب كمان " امسرور احد فاليرتل" يا ريتنى عرفت كده من زمان 0
عماد / ليه يعنى 0
شسلو/ لسببين (يشير بأصبعيه ) الأول 00 لأن الترنيم لهتأثير عظيم فى السفر وكمان العدو بيبعد عن المسافر اللى بيرنم 000 واعتقد ان هزيمةالجندى الحزين اسهل من هزيمة الجندى المرتل0
عماد/ والسبب التانى 0
شسلو/ السبب الثانى هو انى ياما ضايقت ناس بتكشرتى00 كتير من الشباب كانوا بيهربوا منىلما يلاقونى جاى ناحيتهم 00 وياما كنت بألومهم00 انت عارف ان الشباب بيحب الموسيقىوالفرح 000 اه فى سبب ثالت نسيته 00
عماد/ ايه هو ؟
شسلو/ ان احنا صورة الملكفلما الناس بيشوفونا فرحانين هيقولوا ان الملك سرفرحتهم
عماد/ كده يبقوا تلاتاسباب 00
شسلو/ ايوه تلاتة ( يشير بيده بالرقم)
عماد / وتفتكر انى لازم اتعلمالترتيل انا كمان ؟
شسلو/ اكيد 0
عماد / عايز اتعلم الترتيل 00 ممكن تعلمنى؟
شسلو/ لازم تطلب من الملك كده لأنه هو اللى هيعلمك 00 سلام (يتركه ويرنم 0"فىوقت ضيقى00)
عماد/ (يرنم فى وقت ضعفى00 واثناء ترتيله تأتى من خلفه منال وتناديه )
منال /عماد00عماد
عماد/ ( يلتفت خلفه ويصاب بالدهشة ) منال 00 معقول 00 مشممكن 000ازاى
منال /على مهلك 00 انا هأقولك 00 انت لما رفضت الجواز وسافرت 00حسيت انك على حق لدرجة انك مرجعتش فى قرارك بالسفر حتى علشانى 00 قلت ف نفس انالكلام عن المدينة الحياة اكيد صحيح 0 وابتديت مشوار السفر انا ذيك بالضبط
عماد: ومتجوزتيش ؟
منال / متجوزتش وماكانش ممكن اعمل كده بعد ما اتعرفت عليك 00 انا كنت بقول كده علشان اغيظك 00 انا بعد ما سبتك اخر مرة ماحستش براحة لغايةخرجت من الباب الشرقى 0 ومدة سفرى كانت قصيرة جدا 00 انا ماليش غير كام اسبوع منيوم ما سافرت وادينى على وشك عبور النهر00 ومش عارفة هل ده وقت كافى علشان يقبلنىالملك بعد سننين النسيان ؟
عماد/ انت لازم تمرى تحت الصليب علشان يفرقك الشك 0
منال / والصليب ده لى انا
عماد/ الصليب ليك ذى ماهو للجندى اللى حارب سنينتحت راية الملك
تسير فى هدؤ وتمر تحت ظل الصليب
منال / انت متأكد انى فى ظلالصليب ؟
عماد ايوة مكتوب فى الدليل ان الملك جاء ليخلص الخطاة
منال /اكيدجه علشان يخلصنى انا كمان 0"0صوت من الخارج نعما ايهاالعبد الأمين كنت ا0"0000 اناسامعه صوت الملك بينادينى 00 نتقابل فى مدينة الحياة مع الملك
عماد / معالسلامة00 مع السلامة 00 مع السلامة 00
عماد / يقع فريسة العصيان 00 مش ممكن كلجاجة حلوة تضيع بالشكل ده00 الاول سبت اهلى وناسى 00 وبعدين همان رفيق الطريق000حتى ناهد اللى ماصدقت انى شفته تانى 00 تروح بالسرعة دى
( وبينما هو غارق فىحزنه يدخل شسلو مرة اخلاى مرنما )
فى وقت ضعفى اراك ربى 000
يتجاوب معه عمادتدريجيا حتى يكمل معه الترنيمة ويدخل معهما صوت الترنيم المسجل من الخارج
ينخفضصوت الترنيمة00 ويدخل صوت اخر تعالوا الى ياجميع المتعبين وانا اريحكم
عما د / انا 00 انا سامع الصوت 00 نفس الكلام اللى كان مكتوب على الباب الشرقى فى اولالسفر00 تعلو الترنيمة قليلاً ثم تنخفض ويسمع الصوت مرة اخرى 00 نعما ايها العبدالأمين كنت امينا 00000 الملك بينادينى انا كمان 00 خلاص 00 خلاص هادخل المدينة 00هأشوف الملك 00 خلاص خلاص 00يا ملك الخلاص اشوفك فى مدينة الحياة اشوفكم كلكم فىمدينة الحياة 0
ستــــــــــــار