بأختصار شديد عن قصه هذا السيناريو:
تحكى القصه عن مللك كان يمللك على مملكه الاكوان وكان لهذا الملك أبن وحيد وحدثت عدة مشاكل فى هذه البلد
المشهد الاول :
0(الملك يجلس على العرش ويدخل عليه المرسال)......
المرسال : جلاله الملك جلاله الملك ( ويسجد )
الملك :ايه فى ايه يا مرسال ايه الاخبار الجديده اللى عندك
المرسال: حى الفقرا يا جلاله الملك
الملك : ماله ؟؟؟؟؟
المرسال: عاملين مشاكل وخناقات مع بعضهم ومش عايزيين يشتغلوا خالص
الملك :؟ وبعدين
المرسال: وهما عندهم أطفال وحريم وشباب هايموتوا من الجوع يا جلاله الملك لقله الاكل والشرب
الملك : ممم يعنى شرهم هايموتهم طب وانا بأيدى أعملهم أيه ؟؟ أنا حاطط قانون تزرع تاكل تتعب تعيش
أنا ماقدرش أكسر قوانين أنا حاطتها قولهم عقاب المشاكل موت (عقاب الخطيه موت)
المرسال: م يعنى مافيش فايده يا جلاله الملك للأسف هايموتوا هايموتوا (ويخرج منكس الرأس)
0(عند خروج المرسال يدخل أبن الملك فى نفس الوقت وينظر ابن الملك للمرسال ويسأل الملك هذا السؤال)
الامير: بابا هو المرسال كان بيعمل ايه عندك هنا هو فى حاجه
الملك : لا مافيش.. ده موضوع حى الفقرا ماتشغلش بالك انت
الامير : أه ... أنا سمعت عن الموضوع ده يا بابا وانت هاتعمل ايه
الملك :ولا حاجه يا ابنى أنا هارسلهم شويه مراسيل أحاول أخليهم يبطلو شكل ويرجعوا على اللى هما فيه (الشريعه والانبياء)
الامير : بابا أنا صعبان عليا الناس دى أوى دول كده هايموتوا فى اقرب وقت
الملك : طب وانا بأيدى أيه يا ابنى لازم يضحوا أنا ماأقدرش أكسر القرارات
الامير : (بعد تفكير) بابا أنا قررت حاجه وعايزك تساعدنى فيها
الملك : حاجه ؟؟؟ أيه !!!؟؟
الامير :أنا قررت أنزل لحى الفقرا
الملك : نعم بتقول أيه ؟؟ حى الفقرا هههههه أنت أكيد بتهزر Moheb Naeem 16 سبتمبر، الساعة 07:59 صباحاً
الامير : لا يا بابا أنا با تكلم بجد
الملك : أنت فاهم اللى انت بتقوله ده كويس ..ده فى خطر كبير على حياتك حى الفقرا ده مليان مجرميين متوحشين
الامير: أنا عارف يا بابا
الملك : طب بلاش أنت عارف هدومك الجميله دى أول ما هاتنزل أول خطوه هاتتبهدل وهاتتقطع وتبوظ
الامير : لا يا بابا ما أنا مش هانزل بهدومى دى أنا هانزل وكأنى واحد منهم واحد عادى جدا عشان مايخافوش منى
الملك : يعنى هاتنزل من غير حراسه كمان ولا اى حاجه ده انت ابن مللك مملكه الاكوان انت بتتكلم ازاى
الامير: ده أختيارى يا بابا أرجوك وافق أرجوك !!!
الملك : أنا ماقدرش أكسرلك طلب بس أنت بتعمل ليه كدا
الامير :عشان بحبهم يا بابا بحبهم جدا
الملك : أنت حر فى اختيارك بس انت هاتوحشنى جدا جدا (ويأخذه بالاحضان) أوعى تنسى تكلمنى
الامير : حاضر هاحاول أكلمك دايما
الملك : تعال أوصلك حتى لباب القصر
(وياخد الملك أبنه ويخرجوا خارج المسرح وتغلق الستار)
المشهد الثانى :
(تفتح الستار على شكل سوق وبه باعه يبيعون بعض الاغراض وتظهر عليهم حاله الفقر)
(يدخل الامير ويأخذ ثوانى لمشاهده ما يحدث فى هذا السوق)
---- يكون على يمين المسرح أثنان باعه وعلى اليسار شحات يجلس ليستعطى )
الامير : (لنفسه ) هو ده حى الفقرا ؟!!!!
الشحات : حسنه قليله ارجوك انا ماكلتش بقالى يومين حسنه قليله ..
الامير : ينظر أليه بشفقه خد يا عم كيس الفلوس ده وعيش بيه وأشتغل اى حاجه وبلاش تشحت تانى
الشحات: ربنا يكرمك ربنا يخليك ( يفتح الشحات الكيس يلاقى فلوس كتير)
الشحات:استنى يا عم انت ادتنى فلوس كتير قوى دول كتير عليا
الامير : خدهم وعيش بيهم وبلاش تشحت تانى
الشحات :لا دول كتير بارضو بص انا هاشتغل عندك بحق الفلوس دى وهاعرفك البلد كلها ممكن ؟
الامير: براحتك دى حاجه ترجعلك انت حر
@يقف الامير هو والشحات يتكلمون ولكن يخفضوا صوتهم يدخل البلطجى ليمارس افعاله اليوميه@
البلطجى للبائع 1: فين فلوس النهارده ياض .. أنا مش قلتلك تكون محضر الفلوس بتاعتى
البائع 1 : أنا صدقنى ما بعتش حاجه من أمبارح ما انت عارف أحوال البلد
البلطجى : وانا مالى ومال البلد هات الفلوس أخلص يا أما انت عارف انا ممكن اعمل ايه يالا
البائع يبدأ فى الدفاع عن نفسه بالتحاور ولكن بصوت منخفض Moheb Naeem 16 سبتمبر، الساعة 08:08 صباحاً
الامير : ماله ده .. هو بيعملكوا كده ليه ؟؟
الشحات : ده يا سيدى البلطجى بتاع المنطقه كل يوم ييجى ويتبلطج علينا فى الفوس اللى بناخدها
الامير : مممم طيب (فى غيظ)
الشحات : اأنت رايح فين أستنى بلاش تهور
يتجه الامير ناحيه البلطجى وينقذ الامير البائع 1 من ضربه سددها له البلطجى بانه يمسك يده فى موقف أكشن)
الامير للبلطجى : أخر مره أشوفك هنا أنت سامعنى أمشى حالا من المنطقه دى (أخراج الشياطين)
البلطجى : مين ده يا جدعان ألحقونى ويهرب ويجرى
البائع: أنا متشكر قوى انك أنقذتنا منه أنا بجد متشكر قوى
الامير : عفوا
أثناء ذلك تتحرك واحده من الباعه ومعها بضاعه ثقيله جدا
الامير: أيه ده كله انتى هاتشيلى ده أزاى
البائعه 2 : أعمل ايه ما محدش اشترى منى أنا مضطرا اروح بيه
الامير : لا بصى أنا هاشترى كل البضاعه وأدى الفلوس اهه (شفاء النفوس الحزينه)
البائعه 2: أنا متشكره بجد شكرا قوى أنت طيب قوى
الامير أهم حاجه أنا جيت عشانها مخصوص لازم تعرفوها هى انكوا تحبوا بعض
(ويستمر فى الكلام ألا ان تقطعه صراخ فتاه مريضه تدخل هى وامها )
الام : خلاص يا بنتى هانعمل ايه روحنا لكل قرايبنا ماحدش معاه فلوس لعلاجك هانعمل ايه اكتر من كده
البنت : يا ماما الالم بيذيد أنا تعبانه قوى بجد هامووت
الامير: لو سمحتى أيه مشكلتها
الام : بنتى عندها مرض صعب ومحتاج علاج غالى قوى بس أحنا معناش حتى ربعه
الامير: طب بصى خدى الفلوس دى وواديها عند أحسن دكتور ماشى
الام : ربنا يكرمك أنا متشكره قوى بجد ربنا يخليك
الامير: أهم حاجه تحبوا بعض كل مشاكلكوا هاتتحل
(يقف الامير والجميع ملتف حوله يحدثهم عن محبتهم لبعض وضرورتها )
أن ذاك يدخل البلطجى وصديق له شيخ بجانب المسرح )
البلطجى : هو ده اللى قلتلك عليه
الشيخ: مممم فعلا الراجل ده لامم الناس حواليه من ساعه ما اجه ده حتى ماحدش بقى بيجى ياخد المشوره منى
البلطجى : طب والعمل هانسيبه كدا , ده كدا هايقضى علينا
الشيخ : لا لازم نخلص منه.... بس أزاى ده الناس ملمومه حوليه كل دقيقه ؟؟؟؟؟
البلطجى : أنا هاقولك بص ممكن نعرف هو بيقعد لوحده أمتى ونخلص عليه على طول
الشيخ : وهاتعرف أزاى يعنى يا ذكى
البلطجى فى مكر : الشحات ........
الشيخ : قصدك الشحات اللى ماشى معاه مممممم فكره
البلطجي خلاص النهارده بالليل فى العتمة نمشى وراه ونعرف طريقه
الشيخ : خلاص أنا موافق
(يخرج الجميع من على المسرح وتغلق الأنوار وكأن الظلام حل وتضاء أضواء خافته
المشهد الثالث
(يدخل الأمير ويصحبه الشحات)
الشحات : صح يا أمير أنت هاتبات فين أنا هبات معاك النهارده
الامير : الحقيقه أنا ماليش حته أحط فيها راسى او انام
الشحات: ياااااااااااه زمل يعنى
الامير : حاجه زى كدا قولى بقى انت بتنام ازاى
الشحات : مافيش أنا باجيب طوبتين وانام عليهم
الامير : طيب خليك أنا هاروح أجبلك طوبتين معايا واجى
الشحات : شكرا يا ذوق ألف شكر
(يخرج الامير ويبقى الشحات وحده .. ثم يدخل عليه البلطجى والشيخ الشريران )
البلطجى : ولا خد هنا تعالى عايزينك
الشحات : (مرتعب) أيه فى أيه ؟؟ عايزين منى ايه
الشيخ : متخافش يا ابنى بص .. أحانا عايزيين خدمه منك
الشحات ": أؤمرنى يا حضره الشيخ
البلطجى : أحنا عايزين اللى ماشى معاك لوحده
الشحات " ؟؟؟ ليييه؟؟؟
الشيخ : من غير ما تسأل
البلطجى : من الاخر الراجل ده مذنب والشيخ شايف انه لازم يموت
الشحات : لالا انتوا اكيد غلطوا فى العنوان ده أطيب راجل شفته
الشيخ: أنت هاتغلبنا معاك ليه
الشحات: انا لايمكن أبيعه ..ده بالنسبالى الاستاذ بتاعى المعلم لالا لايمكن أبيعه
الشيخ : طب وعشان دول (يظهر كيس من النقود )
الشحات: (بلهفه يأخد الكيس من أيديهم ) ودول كام دول ؟؟
البلطجى : 30 حته فضه
الشحات : وعايزينه أمتى (وهو بيعد الفلوس)
الشيخ : دلوقتى لو قدرت .. أول ما تحس انك متمكن منه وما حدش غيركوا قوله بحبك قوى وتاخده بالحضن
الشحات : ماشى ..... ماشى
الشيخ : احنا جنبك هنا ....يالا بينا
(يخرج البلطجيه ثم يدخل الامير وهو يحمل الطوب)
الامير : أنا جبتلك الطوب اهه
الشحات: انا متشكر يا ذوق ألف شكر
(الامير يكون سمع كل الكلام بتاع البلطجى والشيخ)
الامير : (مع نفسه) هو ده تمنى عندك 30 حته فضه طب ليه أنا عملتلك أيه ؟؟؟ قد كده انا رخيص عندك ؟؟
الشحات : بص بعد اللى انت عملته معايا أنا لازم أقولك على الاقل كلمه شكر أنا بحبك قوى شكرا قوى
الامير: (فى أسف شديد) وأنا كمان بحبك بجد
(يحضن الشحات الامير ثم يشاور للبلطجى من الخلف لكى يأتى ويأخدوه)
(يهجم الشحات والشيخ ويمسكوا بالامير ويقيدوا يديه من الخلف )
الامير : (بنظره عتاب للشحات ) هو ده رد الجميل !!!
البلطجى : أسكت (ويصفع الامير)
@ يدخل على المسرح البائع 1 والبائعه 2 والام وبنتها المريضه@
--- ثم يبدأوا فى معاتبه الشحات ---
الام: حرام عليك
البنت : بعته لييه ؟؟
البائعه : مش ده اللى ساعدك
البائع 1: مش ده كان الاستاذ بتاعك اللى كنت بتفتخر بيه
الشحات : (يصرخ) اييييه بس انت وهيا انا لو ماكنتش عملت كدا كان البلطجيه دول هايموتونى
الشيخ : هو عنده حق دى حقيقه لازم تعرفوها حبكوا للراجل ده كان هاينهى حياتكم فى أقرب وقت ..الراجل ده لازم يموت
يا أما هو يموت يا أما أنتوا تموتوا ها أختاروا الراجل ده
(ثم يبدأ فى سؤالهم واحد بعد الاخر )
الشيخ : أختارى انتى ولا هو
الام : موتوه (فى حزن)
الشيخ : وانت
البائع 1: موتوه (فى أسف)
الشيخ : وأنتى
البائعه 2 : موتوه
البنت اللى كانت مريضه: أيه حرام عليكوا نسيتوا عمل معاكوا ايه فى ثوانى .. أيه يا ماما مش ده اللى ساعدنا وخلينا اخف أيه يا عم مش هو
اللى انقذك من البلطجى وانتى مش ساعدك أيه حرام هو برئ ما عملش حاجه عشان ايه يموت أصحوا
(ثم تذهب عند الامير وتبكى )
البلطجى : خلالالالالالالالاص خلص الكلام وده وقت تنفيذ الحكم
(يمسك البلطجى بسكين ويرفعها عاليا بشكل مؤثر فى وجود موسيقى قويه ويطعن الامير )
(وعند الطعنه تصرخ الفتاه @لالالالالالالالالالالالالا@ والامير @ااااااااه@ ويدخل الملك فى هذه الللحظه صارخا @ابنى@)
(يندهش جميع الواقفين ___ أبنه ؟؟؟؟؟ أبن الملك؟)
يهرب البلطجى والشيخ
الملك : (باكيا وهو يمسك الامير ملقى على الارض ينزف دمائه ) ليه كدا يا ابنى انا قلتلك هايموتوك ليه كدا يا ابنى ؟
الامير : (وهو يتألم يصرخ) عشان .....عشان.... بـــــحــــــــــــــبــــــــــهــــــــم
(تغلق الستار وهناك خيار ان تبدأ ترنيمه عن الفداء ) (ترنيمه وانا لما افكر فى حبك )
النهايــــــــــــــه
